MÁIS REVOLUCIÓN INDUSTRIAL

REVOLUCIÓN INDUSTRIAL

10 TRUCOS PARA MEMORIZAR

VENTE A PAZOS

Queremos dar o noso máis sinceiro agradecemento a todas as persoas que fixeron posible este video. 
Grazas infinitas a Guadi Galego, quen deixou unha pegada imborrable no noso Centro; a Karlos Abal e a Isaac Palacín polo seu traballo desinteresado e a súa inesgotable paciencia; a Antón Cortizas por querer vir partillar este día connosco; a Feliciana Fresco, que aínda que non puido achegarse ese día, estivo presente nos nosos corazóns; e en definitiva, a todos e todas as persoas que formaron e forman parte da nosa Comunidade educativa, pais e nais, familias enteiras que nos apoiades de xeito incondicional, alumnado, ex-alumnos; especialmente, ao IES de Catabois, que encheu un autobús de emocións e reencontros... 
Grazas por facelo posible. A todos e cada un dos que estivestes ou quixestes estar pero non puidestes. Infinitamente, grazas.

VOLCÁNS

SEGUNDO O MIRES...

E AGORA QUE VAI CHEGANDO O VERÁN...

NÚMEROS PRIMOS

Por aquí andamos, entre primos e compostos, así que uns vídeos non nos virán nada mal. Un máis complexo có outro. Vós escolledes.

ROSETTA

National Geographic Channel

Rosetta é unha sonda espacial, lanzada dende a Terra  no ano 2004. Hoxe, despois de orbitar durante dez anos, enviou a Philae (un módulo de aterraxe) á superficie dun cometa para analizar a súa composición.

Esta operación é un importante avance para entendermos a formación do Sistema Solar. Pero tamén poderemos ou non confirmar unha hipótese: saber se a auga dos nosos océanos procede dos cometas que hai millóns de anos impactaron contra a Terrra.

Tamén permitirá comprobar se esa auga ten materia orgánica. Isto tamén podería axudar a comprender como se orixinou a vida na Terra. 

Por tanto, somos todo oídos. ¿Imaxinades que se descubran organismos nesa auga?

Se queres comprobar se comprendiches ben, podes velo traducido ao castelán. Pero seguro que te quedaches con moita información, a que si? Os pequenos esforzos axúdanos a medrar e aprender...

Para máis información podedes picar na páxina da 

Axencia Espacial Europea

ORINOCO: VIAXE A UN MUNDO PERDIDO: Visita á Exposición no Gaiás

Mañá faremos unha visita á Exposición da Cidade da Cultura, no Gaiás, onde veremos unha extensa mostra sobre a cultura do Orinoco: instrumentos musicais, máscaras, coroas de plumas, cestería, canoas, instrumentos de pesca...
Exposición sobre doce etnias que habitan o Amazonas venezolano: De’áruwa (Piaroa), Ye’kuana, Yanomami, Híwi (Guahibo), E’ñepa (Panare), Wakuénai (Curripaco), Baniva, Baré, Puinave, Warekena, Tsase (Píapoco) e Hoti.
Temos moi pouco tempo para gozar desta exposición xa que o horario de apertura é un pouco tarde, e ata as once da mañá non poderemos entrar; así que haberá que aproveitar ao máximo cada segundo para poder asimilar canto máis, mellor. 

¡Contarémosvos!

Río Orinoco na Wikipedia 
Vídeo:

El hombre y la tierra - En busca de los indios del Alto Orinoco

Pola mañá estivemos preparando a visita. Localizamos no atlas o Río Orinoco, falamos da súa situación, do seu clima... vimos algún vídeo sobre a vida neste río, e visitamos a páxina da exposición no Gaiás.

DENSIDADES

Ola a todos e todas. Queremos compartir con vós, con quen estea lendo este blog, o experimento que estamos facendo na clase de Coñecemento do Medio en 6º. Estamos estudando o que é a densidade, e para comprobalo, nada mellor que experimentalo, non é? 

DENSIDADE: Relación que existe entre a masa e o volume, dun corpo tomando como referencia o aire para os gases e a auga para os líquidos e os sólidos.

A clase de hoxe deunos para facer a metade do experimento. Mañá, se algún trasno non fixo das súas, continuaremos onde o deixamos. Senón, ¡volta a empezar! ¡Así é a ciencia!

Meriais para comparar distintas DENSIDADES

EL REY DE PAPEL (II)

Acabo de atopar isto na rede.

¿QUE VOS PARECE?

Aquí hai outra versión de Charo Cofré

CINENSINO

Hoxe pola mañá fomos a ver a película "Enredados", dentro do programa CINENSINO. Esta película está basada no conto clásico de Rapunzel, dos Irmáns Grimm. Tedes máis información no blog da Biblio.

Ficha técnica:

Título: Enredados (Rapunzel)

Dirección: Nathan Greno, Byron Howard.

País: Estados Unidos

Ano: 2010

Duración: 92 minutos

Xénero: Comedia musical. Animación.

Elenco: Mandy Moore, Zachary Levi, Donna Murphy, Ewan McGregor, Ron Perlman, Steve Martin.

Distribuidora: Walt Disney Pictures

Produtora: Walt Disney Pictures, Walt Disney Animation Studios.

Sinopse:

Rapunzel, unha adolescente cunha cabeleira dourada con máxicos poderes, vive encerrada nunha misteriosa torre desde pequena. Alí atópase co bandido máis buscado do reino, Flynn Rider. O dúo vive emocionantes aventuras na compaña dun cabalo superpolicía, un camaleón subreprotector...

Con esta película, o Programa Cinensino, trata de poñer de relevo a importancia do esforzo na formación das persoas; dos nenos e nenas, neste caso. Quedémonos coa necesidade de ir asumindo responsabilidades que nos levarán pouco a pouco a ser persoas autosuficientes e comprometidas. Saber asumir os erros, e ser quen de afrontar as situacións difíciles e saber superalas será o reto para pasar dunha etapa a outra da nosas vidas.

INVENTAMOS CONTOS

LA CAJA MISTERIOSA
Personajes:Pepona y Chupón
(entran Pepona y Chupón,Pepona mira al suelo y encuentra algo)
Pepona:Chupón mira he encontrado algo.
(le da unas palmaditas para que despierte)
Chupón:¿Qué es?
Pepona:No lo sé,ven a verlo.
(Chupón se levanta,mira eso que encontró Pepona y se extraña)
Chupón: ¡Pepona es una caja! ¡Abrámosla!
Pepona:¡No! Podría ser peligroso.
Chupón:Venga mujer. ¿No te pica la curiosidad?
Pepona:Veeeenga vale, pero si hay algo peligroso y me rompe la ropa es culpa tuya.
Chupón:Vale cargaré con la culpa si hay algo peligroso y te rompe la ropa.
(Pepona abre la caja,Chupón se vuelve a dormir).
Pepona:¡Chupón,Chupon! Despierta lo que hay dentro es un gatito blanquito.
Chupón:¡Quééééééé!¡Un gatito!¿Por eso me has despertado?
Pepona:Si
Chupón:Pues me vuelvo a dormir.
Pepona:Pero si es precioso.¿En serio que no te gusta?
Chupón:Pues la verdad, si que es mono.
Pepona y Chupón:Llevémoslo a nuestro cole (al público) ¿Sabéis cómo se llama?
Se llama "El cole de Pazos"¿Lo llevamos para el cole de Pazos?
Chupón:Pues venga no perdamos más tiempo: llevémoslo a los alumnos tan buenos de Pazos.
Pepona:Si tienes razón, pero va a haber que turnarse,una semana un curso, una semana otro. Primero 6º, luego 5º, después 4ºy 3º, 2º, 1º, 5 años, y por último, 3 y 4 años.
Pepona y Chupón:Adiós, vamos a llevarle el gatito a la profe de 6º, "Rosana". Chao, hasta más ver.

"Y colorín acalorada esta obra está enfriada"

E agora, se queredes, podedes ver este vídeo do lindo gatiño:
Simon´Cat in "The Box"

COÑECERNOS PARA QUERERNOS

Grazas a O Segrel do Penedo descubrimos esta fermosa curtametraxe sobre unha nena saharaui, Laia, que soña con volver á súa terra. Nós, xunto con outros grupos de nenos e nenas de primaria e secundaria de Ferrolterra, participaremos no proxecto "Coñecernos para querernos", elaborando materiais no que nos presentemos e ensinemos diferentes partes da nosa realidade máis próxima. Tentaremos facer, grazas a Gonzalo Moure, un intercambio con nenos saharauis da nosa idade no que se dean e nos deamos a coñecer. Será unha experiencia enriquecedora e de primeira man, esperemos que para todos.

Lalia from ASPA on Vimeo.

ATA PRONTO!

REPRODUCIÓN SEXUAL NAS PLANTAS

Estes días atrás estivemos a estudar a reprodución asexual nos seres unicelulares, nos invertebrados sinxelos e máis nas plantas. Por último, a reprodución sexual nos animais e nas plantas. Recordamos que é sexual porque nela interveñen dous individuos.
Aprendimos que as flores son os órganos reprodutores na maioría das plantas, estudamos as súas partes e elaboramos os nosos debuxos nas libretas:

Por último, saímos a coller mazás, abrilas e analizar o seu interior. Despois tivemos que comelas porque... están tan ricas...!


miracebo

SVALBARD: BANCO DE SEMENTES

Esta é a entrada á Bóveda Global de Sementes de Svalbard. Impresionante, non?

Svalbard é un arquipélago que pertence a Noruega. Aquí fixeron esta instalación, case no medio do Polo Norde. Construíron este fabuloso "banco de sementes" para intentar protexer e salvagardar as sementes das especies que se cultivan como alimento. É unha forma de asegurar a súa continuidade a pesar das posibles catástrofes. A súa estrutura sólida e segura está enterrada a 130 metros de profundidade. Fixádevos neste debuxo:

No ano 2008, cando se inaugurou, contaba con cen millóns de sementes, aínda que ten capacidade para 2000 millóns. Aquí poderán permanecer durante séculos gardadas en caixas de aluminio e a -18º. ¡Que frío!Por certo, a foto é dun oso que habita este arquipélago. Parece que chega tarde á clase...
E agora podedes ver este vídeo:

ENTROIDO

¡¡Anda que estamos guapos!!
Aquí vos deixamos o noso TESTAMENTO

Chegou o momento

do meu pasamento.

Vaise o inverno

e chegará o bo tempo.

Aos pequenos de Infantil

que tan choromicas son,

déixolles cebola

para que choren mellor.

A este terceiro ciclo

que comendo chicles sempre está,

recoméndolle algo de deporte

que non lle virá nada mal.

Aos profes do colexio
que tan malvados son,
unhas boas vacacións
e un gran quilo de carbón.
E para Xaime,Carme e Aurora
un saquiño de paciencia
e unha dose de resistencia
para aguantarnos a cada hora.

E, se queredes, pero só se queredes, podedes ver un pedaciño do vídeo que nos gravou a profe Rosa. Grazas, profe, es un SOL!!!

Coma sempre, tedes máis información no BLOG DA BIBLIO.

¡VIVA O ENTROIDO!

OS VOLCÁNS

Vía educared

Cando o magma do interior da terra se acumula nas cámaras magmáticas, a presión vai aumentando ata que chega a ser tan forte que necesita saír. Entón ábrese paso pola cheminea ata a superficie, e é cando ten lugar a erupción volcánica.