EN GALEGO, SEN FILTRO. POESÍA E IMAXE

O pasado mes de xaneiro, recibimos a 14 EXPOSICIÓN ITINERANTE: "EN GALEGO, SEN FILTRO". De forma continuada vimos participando neste certame que organiza a Coordinadora de Equipos de Normalización Lingüística de Ferrol. Desta vez, Armando Hernández Gómez foi quen obtivo o premio. Na foto podedes velo diante da súa obra, cos seus compañeiros de clase. Despois de ver a exposición, xuntamos as outras ilustracións que participaban co mesmo poema. Fixádevos...

POESÍA E IMAXE CHEGA AO COLE

Este luns chegou ao cole a Exposición itinerante da pasada edición de Poesía e Imaxe, na que o noso cole participou coas ilustracións de Dan e Luísa. Hoxe subimos ao último andar onde nos esperaban estes fermosos debuxos; e pasamos un bo rato lendo os poemas e fixándonos nas ilustracións. Algunhas eran tremendamente sorprendentes!
Antes de baixar fixemos a foto coa nosa compañeira Luísa, a autora deste fermoso traballo que vedes aquí arriba. E a continuación, o resto das fotos: